Jis sar ko ghror aj hy | Meer Taqi Meer Ghazal

Poet : Meer Taqi Meer

      شاعر : میر تقی میر

جس سر کو غرور آج ہے یاں تاجوری کا

کل اس پہ یہیں شور ہے پھر نوحہ گری کا

Jis sar ko ghror aj hy yaan taj vari ka

Kal us pe yhin shor hy phr noha gari ka

شرمندہ ترے رخ سے ہے رخسار پری کا

چلتا نہیں کچھ آگے ترے کبک دری کا

Sharminda tere rukh se hy rukhsar pari ka

Chalta nhin kuch aagy tere kabak dari ka

آفاق کی منزل سے گیا کون سلامت

اسباب لٹا راہ میں یاں ہر سفری کا

Afaq ki manzil se gya kon salamat

Asbab luta rah mn yaan hr safri ka

زنداں میں بھی شورش نہ گئی اپنے جنوں کی

اب سنگ مداوا ہے اس آشفتہ سری کا

Zindan mn bhi shorish na gai apne junon ki

Ab sang madawa hy us ashufta siri ka

ہر زخم جگر داور محشر سے ہمارا

انصاف طلب ہے تری بیداد گری کا

Har zakhm e jigr dawar e mehshar se hmara

Insaf talab hy teri bedad gari ka

اپنی تو جہاں آنکھ لڑی پھر وہیں دیکھو

آئینے کو لپکا ہے پریشاں نظری کا

Apni to jgan ankh lari phr whin dekho

Aaine ko lapka hy preeshan nazri ka

صد موسم گل ہم کو تہ بال ہی گزرے

مقدور نہ دیکھا کبھو بے بال و پری کا

Sad mosam e gul ham ko tah bal hi guzre

Mukadar na dekha kbho be bal o pari ka

اس رنگ سے جھمکے ہے پلک پر کہ کہے تو

ٹکڑا ہے مرا اشک عقیق جگری کا

Us rang se jhumke hy palak pr kh khe tu

Tukra hy mera ashk e aqiq jigri ka

کل سیر کیا ہم نے سمندر کو بھی جا کر

تھا دست نگر پنجۂ مژگاں کی تری کا

Kal saer kia hm ne samandar ko bhi ja kr

Tha dast e nigar panja e maschgan ki teri ka

لے سانس بھی آہستہ کہ نازک ہے بہت کام

آفاق کی اس کارگہ شیشہ گری کا

Le sans bhi ahista kh nazuk hy bhot kam

Afaq ki is kargahe sheesha gari ka

ٹک میرؔ جگر سوختہ کی جلد خبر لے

کیا یار بھروسا ہے چراغ سحری کا

Tuk meer jigr sokhta ki jald khabr le

Kia yar bharosa hy charagh e sahri ka